द. ह. कवठेकर प्रशाला ही आपली शैक्षणिक गुणवत्ता व दर्जा टिकवण्याचा व वाढविण्याचा नेहमीच प्रयत्न करीत आहे.  या प्रशालेला दहावीच्या निकालाची उज्वल परंपरा असून प्रशालेचे निकाल हे नेहमीच 98 टक्के पेक्षा अधिक असतात तर 90% पेक्षा अधिक गुण प्राप्त विद्यार्थी संख्या ही नेहमीच 35 पेक्षा अधिक असते. 

​

भव्य क्रीडांगण असणारी द.ह.कवठेकर प्रशाला ही शहरातील एक नामवंत शाळा असून या प्रशालेला 22000  चौरस फुटाचे प्रशस्त क्रीडांगण आहे. या प्रशालेतील विद्यार्थी आजपर्यंत तालुका, जिल्हा विभागीय व राज्यस्तरीय खेळामध्ये सहभागी झाले आहेत. 

​

द.ह.कवठेकर प्रशालेची आयसीटी लॅब सुसज्ज व अद्यावत असून संगणक, एलसीडी प्रोजेक्टर यांच्या माध्यमातून विद्यार्थ्यांना अद्यावत ज्ञान दिले जाते.

​

द.ह. कवठेकर प्रशालेत शिष्यवृत्ती परीक्षा, राष्ट्रीय आर्थिक दुर्बल घटक शिष्यवृत्ती परीक्षा, एनटीएस परीक्षा, गणित प्रज्ञाशोध परीक्षा,  यासारख्या परीक्षांना विद्यार्थ्यांना प्रोत्साहित केले जाते व त्याचे स्वतंत्र वर्ग घेतले जातात.  दरवर्षी स्कॉलरशिप मिळवणाऱ्या विद्यार्थ्यांची संख्या 25 पेक्षा अधिक आहे. 

​

प्रशालेत शासकीय चित्रकला परीक्षांचे वर्ग घेतले जातात. व त्यात विशेष प्राविण्य मिळवणाऱ्या विद्यार्थ्यांची संख्या अधिक असते.

​

टिळक  महाराष्ट्र विद्यापीठाच्या इंग्रजी विषयाच्या सर्व परीक्षा प्रशालेत आयोजित केल्या जातात.  त्यांचे स्वतंत्र वर्ग घेतले जातात.  

​

प्रशालेतील विद्यार्थ्यांना पिण्याचे शुद्ध पाणी मिळावे यासाठी संस्थेने स्वतंत्र वॉटर फिल्टर प्लांट बसवला असून संस्थेतील 2500 विद्यार्थ्यांना शुद्ध जल पुरविले जाते.

​

प्रशालेचे ग्रंथालय सुसज्ज असून अनेक दुर्मिळ ग्रंथ, पुस्तके, संदर्भकोश यांचा समावेश आहे. 

​

द.ह. कवठेकर प्रशालेचे सांस्कृतिक कार्यक्रम हे नेहमीच दर्जेदार व उठावदार होतात. त्यात विद्यार्थ्यांच्या कलागुणांना वाव दिला जातो. कार्यक्रमाची विशिष्ट थीम घेतली जाते व त्यानुसार भारतीय संस्कृती, सण, उत्सव, देशप्रेम यासारखे विषय घेऊन कार्यक्रमाची बांधणी केली जाते. 

​

प्रशालेचा क्रीडा दिन दरवर्षी मोठ्या दिमाखात साजरा होतो.  विद्यार्थ्यांना मैदानी खेळासाठी प्रोत्साहन दिले जाते.

​

गीतमंच कार्यक्रमांमध्ये प्रशालेतील 1600 विद्यार्थी दरवर्षी  सहभागी होतात व नवीन सुमारे 8 ते 10 गीतांचे गायन व पठण करतात.

​

विद्यार्थ्यांना भारतीय सण,संस्कृती, उत्सव, परंपरा याची माहिती व्हावी यासाठी गणेशोत्सव,दहीहंडी, शिवजयंती, नागपंचमी,भोंडला,  यासारखे कार्यक्रम आयोजित केले जातात व त्यातून विद्यार्थ्यांना भारतीय परंपरा,संस्कृती यांची माहिती दिली जाते.

​

दहावीच्या विद्यार्थ्यांची गुणवत्ता वाढावी व प्रशालेचे निकाल चांगले लागावेत यासाठी टॅलेंट बॅचचे आयोजन केले जाते.

​

शाळा व्यवस्थापन समिती, शिक्षक पालक संघ, शाळा व्यवस्थापन व विकास समिती, माता-पालक संघ, परिवहन समिती, शाळा समिती या सर्व समित्यांचे गठन केले असून त्यांच्या नियमित सभा घेतल्या जातात व विद्यार्थी हिताच्या योजना राबविल्या जातात.

​

इयत्ता पाचवी ते आठवीच्या विद्यार्थ्यांना शासनाद्वारे मध्यान भोजनाचे नियोजन केले जाते.

​

प्रशालेच्या परंपरेनुसार सर्व कार्यक्रमांचे सूत्रसंचालन व संयोजन प्रशालेतील विद्यार्थी करतात. त्यातून विद्यार्थ्यांच्या नेतृत्वाच्या गुणाचा विकास होतो.

​

इयत्ता पाचवीपासून सेमी इंग्रजी माध्यमाचे वर्ग सुरू करणारी द.ह. कवठेकर प्रशाला ही जिल्ह्यातील पहिली शाळा आहे व आज या प्रशालेतील पाचवी ते दहावीपर्यंतचे बहुतांशी वर्ग सेमी इंग्रजी माध्यमाचे आहेत.

​

एस.एस.सी बोर्ड, पुणे मार्फत दहावीच्या संस्कृत विषयात विशेष गुणवत्ता प्राप्त केल्याबद्दल दिला जाणारा जगन्नाथ शंकर शेठ शिष्यवृत्ती चा मान प्रशालेला प्राप्त झाला.

​

कबड्डी, रायफल शूटिंग, कॅरम, कराटे या क्रीडा प्रकारांना प्रशालेला राष्ट्रीय स्तरावर सुवर्णपदक प्राप्त झाले आहे.

​

कोविड लसीकरण, जनगणना, मतदार नोंदणी, निवडणुका यासारख्या सर्व शासकीय उपक्रमामध्ये प्रशालेचे शिक्षक सहभागी होतात.

​

विद्यार्थ्यांसाठी असणाऱ्या सर्व संवर्गातील, सर्व प्रकारच्या शासकीय शिष्यवृत्ती यांचे लाभ विद्यार्थ्यांच्या  खात्यावर थेट जमा होतात.

​

द.ह. कवठेकर प्रशालेतील तज्ञ व अनुभवी शिक्षकांचा राज्यस्तरीय शिक्षण प्रशिक्षण कार्यक्रमात नेहमीच सहभाग असतो.

​

बदलत्या तंत्रज्ञानानुसार काळाची गरज ओळखून द.ह. कवठेकर प्रशालेचे सर्व शालेय व कार्यालयीन कामकाज संगणकीकृत करण्यात आले आहे.

​

विद्यार्थ्यांच्या गरजेनुसार तज्ञ व अनुभवी समुपदेशक  यांचे मार्गदर्शन वर्ग घेण्यात येतात.

​

पंढरपूर शहरातील बहुतांशी डॉक्टर्स, अभियंते, विधिज्ञ, नगरसेवक, व्यावसायिक हे आमच्या प्रशालेचे माजी विद्यार्थी आहेत. याचा प्रशालेत सार्थ अभिमान आहे.

​